最近成日都落雨，搞到个人好　活力，计划唔到郊游呼吸新鲜空气。其实落雨真系唔可怕，只要唔系倾盆大雨或者行雷闪电，做足准备都可以照样出发，行D安全易行路线。

之前同大家介绍过小夏威夷径，如果大家都系觉得中间少少泥路有危险，今次小编就同大家介绍呢条全程石屎路路线，蓝田公园至马游塘村。

大家可以系蓝田站搭216M巴士，系蓝田公园落车，行上少少就会见到蓝田公园入口啦！沿路向上行。

经过公厕会见到楼梯，上楼梯向上行少少去会见到一个休憩地方，穿越休憩处过去对面楼梯。如果都系分唔清边条先岩，附近有指示牌，往安达臣径出口行就啦！

一路行到蓝田公园最高点，呢度只有200米高，同时亦都系蓝田公园安达臣径出口，向左转，会见到有拜神地方，再行前少少会见到间庙，系庙旁边有一条石级，行上石级分岔转左继续上。

上到去平地之後好快就会见到铁丝网，直行唔好转弯，沿路绿意盎然，铁丝网内一大片空地，途中仲见到一个小小忠义坊，好有传统味道呢！

呢度都有凉亭比大家休息，再行前就会见到往马游塘村指示牌，行多一阵就会望到观塘晨运径路牌，一路直行落山，直到见到车场转右，就到村口啦。

分岔路要向上走，一路沿车路行15分钟左右就会出返宝琳路，呢度有小巴同巴士出返去附近地铁站，都几方便。

难易度∶★

全程可屎路，不过落雨就记住著防滑鞋。 

打卡度∶★

其实就唔算有咩特别好睇，不过落雨都可以亲亲大自然，心情都开心。

设施完善度∶★★★

都算多指示牌，亦都有休息地方。

最後提提大家行山要准备充足；最紧要系爱惜香港大自然，自己垃圾自己带走啊！今次郊游习作系　多，我地下次见啦！ByeBye！